దశాబ్దాల ఉద్యమ ప్రస్థానం… నేటి యువతకు సందేశాత్మక హెచ్చరిక

అజ్ఞాతంలో ఉంటూ హక్కలు సాధించలేమని నిరూపిస్తున్న సరెండర్ లు… ప్రాణ త్యాగాలు

మావోయిస్టు అగ్రనేతల లొంగుబాట్లే ప్రత్యక్ష సాక్షం..

ఉద్యమ ప్రారంభ దశలో ఉన్న పరిస్థితులు వేరు నేడు వేరు..

అంతర్గత ఆధిపత్య పోరు కూడా కారణమే…

పెరిగిన సాంకేతికత ఉపాధి అవకాశాలు..

హింసా మార్గాలు కాదు….ప్రజాస్వామ్య ఉద్యమాల పట్ల ప్రజల్లో… యువతలో పెరిగిన ఆసక్తి….

రణం న్యూస్ డెస్క్: మార్చి 7
(ఎడిటర్. ఆకుల మల్లికార్జున్)

దేశంలో ఒకప్పుడు విప్లవ భావజాలంతో అడవుల్లో ప్రారంభమైన మావోయిస్టు ఉద్యమం, కాలక్రమేణా ఎన్నో మలుపులు తిరిగింది. సామాజిక అన్యాయాలపై పోరాటం అనే లక్ష్యంతో ప్రారంభమైన ఈ ఉద్యమం, అనేక దశల్లో ప్రజల మద్దతును కూడా పొందింది. కానీ అదే సమయంలో ఉద్యమాన్ని నడిపిన అగ్రనేతలలో ఉన్న లోగుబాటులు, అంతర్గత విభేదాలు, మారుతున్న కాలాన్ని అర్థం చేసుకోలేని నాయకత్వం ఉద్యమాన్ని బలహీనపరిచిన అంశాలుగా నేడు చర్చకు వస్తున్నాయి.
కాలానుగుణ మార్పులను అర్థం చేసుకోలేని నాయకత్వంమావోయిస్టు నాయకత్వంలో ప్రధానంగా కనిపించిన లోపం ప్రజల జీవన వాస్తవాలను కాలానుగుణంగా అర్థం చేసుకోలేకపోవడం.ఒకప్పుడు గ్రామీణ పేదల సమస్యలు, భూస్వామ్య వ్యతిరేక పోరాటాలు ప్రధాన అంశాలుగా ఉండేవి. కానీ కాలం మారింది.విద్య, సాంకేతికత, ఉపాధి అవకాశాలు పెరిగిన ఈ కాలంలో యువత అభిలాషలు కూడా మారాయి.అయితే ఉద్యమ నాయకత్వం ఆ మార్పును పూర్తిగా గ్రహించలేకపోయింది.*

అంతర్గత ఆడిపత్య పోరుకూడా కారణమే:-

విప్లవం పేరుతో పనిచేసిన సంస్థల్లో నిర్ణయాలు కొద్దిమంది అగ్రనేతల చేతుల్లోనే కేంద్రీకృతమయ్యాయి. దీనివల్ల యువకుల ఆలోచనలు, కొత్త మార్గాలు వెలుగులోకి రాలేకపోయాయి. ఫలితంగా ఉద్యమం కొత్త తరానికి దూరమవుతూ వచ్చింది.

హింసా మార్గాలను ప్రజలు విశ్వశస్తలేరు:–

ఇక హింసా మార్గంపై అతిగా ఆధారపడటం కూడా ఒక పెద్ద లోపంగా మారింది. సామాజిక మార్పు కోసం ప్రజా ఉద్యమాలు, చర్చలు, ప్రజాస్వామ్య మార్గాలు ఉన్నప్పటికీ ఆయుధపూరిత పోరాటమే ఏకైక మార్గమని భావించడం వల్ల ఉద్యమం ప్రజల నుండి క్రమంగా దూరమైంది. అభివృద్ధి, విద్య, ఉపాధి కోసం ఎదురు చూస్తున్న యువతకు ఈ మార్గం ఆకర్షణీయంగా కనిపించలేదు.యువతకు చరిత్ర ఇచ్చే పాఠం
ఈ నేపథ్యంలో నేటి యువతకు ఒక ముఖ్యమైన సందేశం స్పష్టంగా కనిపిస్తుంది. సమాజ మార్పు కోసం ఆవేశం అవసరం, కానీ ఆలోచనాత్మక దిశ కూడా అంతే అవసరం. భావజాలం ఒక్కటే సరిపోదు; కాలానికి అనుగుణంగా మారే సామర్థ్యం కూడా ఉండాలి.

ఉద్యమాలకు ప్రజాస్వామ్య యుతంగా జరగాలి::

ప్రస్తుత కాలంలో యువతకు అవకాశాలు విస్తరించాయి. విద్య, సాంకేతికత, ప్రజాస్వామ్య వేదికలు అందుబాటులో ఉన్నాయి. ఈ వేదికలను ఉపయోగించి సమాజ సమస్యలను పరిష్కరించే మార్గాలను అన్వేషించడం అవసరం. చరిత్రలో జరిగిన ఉద్యమాల నుండి పాఠాలు నేర్చుకోవాలి గానీ, అదే మార్గాన్ని అనుకరించడం అవసరం లేదు.

సమాజ మార్పుకోసం కొత్త దారులు:–

మావోయిస్టు అగ్రనేతల లొంగుబాటులు గ్రహిస్తే ముఖ్యమైన సందేశాన్ని తెలియజేస్తున్నాయి.. సమాజ మార్పు కోసం పోరాటం అవసరం, కానీ అది ప్రజలతో కలిసి, ప్రజాస్వామ్య మార్గంలో జరిగితేనే స్థిరమైన ఫలితాలు సాధ్యమవుతాయి. నేటి యువత అన్ని గ్రహించి, అభివృద్ధి సామాజిక న్యాయం రెండింటినీ సమన్వయంతో ముందుకు తీసుకెళ్లే దిశగా అడుగులు వేయాల్సిన సమయం ఆసన్నమైంది.